GREATEST
Custom hoodie printing · Cairo, Egypt
طباعة هودي حسب الطلب — هوديك باسمك أو بصورتك أو بتصميمك
هودي أوفر سايز تقيل بجيب كانجارو. اختار أسود أو أبيض، ارفع صورة أو لوجو أو اكتب اسمك، وشوف الهودي قدامك قبل ما تطلب — وإحنا نطبعه ونوصّله لحد باب البيت، حتى لو قطعة واحدة.
✓ من قطعة واحدة✓ قدام لحد 36 × 32 سم✓ الضهر لحد 36 × 45 سم✓ مقاسات M · L · XL · XXL✓ توصيل في 5–7 أيام عمل
سعر طباعة الهودي
السعر شامل طباعة مكان واحد — وتقدر تحط أكتر من تصميم في نفس المكان بنفس السعر. من 3 أماكن طباعة أو أكتر بتاخد خصم 20٪ على الإضافات.
| القطعة | الألوان | السعر |
|---|---|---|
| هودي أوفر سايز | أسود أو أبيض | 950 ج.م |
| + طباعة كبيرة تانية (قدام أو ضهر) | +100 ج.م | |
| + كل كم | +40 ج.م | |
| + الكابيشو (الهود) | +50 ج.م | |
| + ليبل الرقبة | +50 ج.م | |
| قطعة سادة من غير طباعة | −50 ج.م |
10٪من 6 قطع + تصميم ببلاش
15٪من 25 قطعة من نفس الموديل
💬50+ قطعة؟ كلمنا واتساب ونظبطلك سعر
الأسعار اللي على الموقع هي المرجع دايمًا، والسعر النهائي بيظهرلك في الاستوديو قبل ما تطلب. الخصومات مابتتجمعش — بتاخد أكبر خصم أوتوماتيك.
أماكن الطباعة على الهودي وأقصى مقاس
أقصى مساحة طباعة في كل مكان (العرض × الطول). التصميم بيتطبع بنفس الحجم اللي بتحطه على القطعة في الاستوديو.
| المكان | أقصى مقاس طباعة |
|---|---|
| قدام | 36 × 32 سم |
| الضهر | 36 × 45 سم |
| كل كم | 7.5 × 30.5 سم |
الطباعة الكبيرة قدام بتبدأ تحت فتحة الرقبة وبتخلص فوق الجيب، والضهر تحت الكابيشو. وكمان تقدر تطبع على الكابيشو (+50 ج.م) أو ليبل الرقبة (+50 ج.م).
مقاسات الهودي (سم)
الهودي أوفر سايز — واسع شوية والكتف نازل. العرض من تحت الباط للباط والقطعة مفرودة، والطول من أعلى الكتف لآخرها.
| هودي أوفر سايز | M | L | XL | XXL |
|---|---|---|---|---|
| العرض | 62 | 64 | 66 | 68 |
| الطول | 71 | 73 | 75 | 77 |
قيس هودي عندك بتحبه وقارن بالجدول. لو بتحب اللبس الواسع جدًا خد مقاس أكبر، ولو بين مقاسين خد الأكبر. دليل المقاسات كامل
أمثلة بالأرقام
محسوبة بنفس طريقة الاستوديو وبأسعار الموقع الحالية.
| الطلب | الحساب | الإجمالي |
|---|---|---|
| هودي بطباعة قدام بس | 950 | 950 ج.م |
| قدام + ضهر | 950 + 100 | 1,050 ج.م |
| قدام + ضهر + كم | 950 + 100 + 40 − 28 (خصم 20٪ على الإضافات) | 1,062 ج.م |
| قدام + ضهر + الكمين + الكابيشو | 950 + 100 + 40 + 40 + 50 − 46 (خصم 20٪ على الإضافات) | 1,134 ج.م |
| دفعة 30 هودي (قدام + اسم على الضهر) | 1,050 × 30 − 15٪ | 26,775 ج.م (≈ 893 ج.م للقطعة، شحن مجاني) |
أفكار للهودي بتاعك
🎓هودي الدفعة
Class of أو Seniors قدام، واسم ورقم كل واحد على الضهر — بيتلبس بعد الحفلة كمان. التخرج ←
⚽التيم أو الشركة
لوجو صغير على الصدر وأسامي على الضهر، لكل التيم بخصم كميات. الفرق والشركات ←
🤍كابلز وعيلة
هوديين بيكمّلوا بعض، أو صورة ليكم مع بعض — هدية بتتلبس كل الشتا. الكابلز ←
🔥تصميم جاهز
ترند الجيل Z، أنمي أوريجينال، وكورة من غير أندية — وتضيف اسمك عليه. التصميمات ←
شكل الهودي مطبوع
من شغلنا ومن صور براند GOATS.
عملاء لبسوا هوديز GOATS
رسايل حقيقية من عملائنا على إنستجرام — مكتوبة زي ما اتبعتت (من غير أسامي حسابات).
بجد تسلم ايدك، الهودي تحفه وخامته رهيبه والطباعه نضيفه اوي ما شاء الله. ان شاء الله مش هتبقى اخر مره
The hoodie came. It’s perfect — so pretty, the material is so good and the design is just like what I wanted 😊
اه استلمت، وحرفيًا الهودي مفيش غلطة بجد
Estlamt el naharda — el quality to7fa w el print wad7a w shiny kda. Thanxxx for this amazing hoodie 😍
استلمت الاوردر والصراحة حاجة فخمة جدًا ما شاء الله — خامة ولون وشياكة والتفاصيل حلوة بصراحة. شكرًا جزيلًا
Best thing that has happened to me this month. I love them 🙏
إزاي تطلب
تلات خطوات من الموبايل.
1. اختار القطعة
اختار اللون (أسود أو أبيض) والمقاس — جدول المقاسات قدامك في الاستوديو.
2. حط تصميمك
ارفع صورة أو لوجو، اكتب اسم أو جملة، أو اختار من التصميمات الجاهزة — وحرّكه وكبّره على القطعة. معندكش فكرة؟ دوس «صمموهولي» والمصمم بتاعنا يعملهولك.
3. ادفع — وإحنا نطبع ونوصّل
الدفع مقدمًا بإنستاباي أو فودافون كاش. وأول ما نلاقي تحويلك بنبدأ الطباعة، والأوردر بيوصلك في 5–7 أيام عمل.
التوصيل والدفع والضمان
🚚 التوصيل
5–7 أيام عمل من ساعة ما نلاقي تحويلك، الطباعة والتوصيل مع بعض. الجمعة مش يوم عمل، والمندوب بيكلمك قبل ما يوصل.
📦 الشحن
80 ج.م للقاهرة والجيزة ولحد 160 ج.م لباقي المحافظات — ومجاني من 2,000 ج.م بعد الخصم. التفاصيل
💳 الدفع مقدمًا
بإنستاباي أو فودافون كاش وانت بتطلب — كل قطعة بتتعمل مخصوص ليك، فالدفع بيكون مقدمًا والطباعة بتبدأ بعده على طول، والأوردر المدفوع مبيتلغيش.
🛡️ لو فيه عيب
عيب طباعة أو تلف أو قطعة غلط؟ ابعتلنا صور خلال 48 ساعة من الاستلام ونطبعها تاني ببلاش أو نرجّعلك تمنها. القطعة اللي اتطبعت صح مبتترجعش. السياسة
أسئلة شائعة
سعر طباعة الهودي كام؟
950 ج.م شامل طباعة مكان واحد. طباعة كبيرة تانية (الضهر مثلاً) +100 ج.م، كل كم +40 ج.م، الكابيشو +50 ج.م، ومن 3 أماكن خصم 20٪ على الإضافات.
أقصى مقاس طباعة على الهودي كام؟
قدام لحد 36 × 32 سم (من تحت الرقبة لفوق الجيب)، الضهر لحد 36 × 45 سم، وكل كم لحد 7.5 × 30.5 سم.
ينفع أطلب هودي واحد بس؟
أيوه، مفيش حد أدنى. ومن 6 قطع خصم 10٪ والتصميم ببلاش ومن 25 قطعة من نفس الموديل 15٪ — ولـ50 قطعة أو أكتر كلمنا واتساب ونظبطلك سعر.
مقاسات الهودي إيه؟
M، L، XL، XXL — العرض من 62 لـ 68 سم. الهودي أوفر سايز، فلو بتحب اللبس الواسع جدًا خد مقاس أكبر.
فيه ألوان غير الأسود والأبيض؟
الأسود والأبيض هما الأساسيين. ألوان تانية ممكن للكميات حسب المتوفر — اسألنا على واتساب.
التوصيل بياخد قد إيه وبكام؟
5–7 أيام عمل من ساعة ما نلاقي تحويلك. الشحن 80 ج.م للقاهرة والجيزة ولحد 160 ج.م لباقي المحافظات، ومجاني من 2,000 ج.م.
لو الطباعة فيها عيب؟
ابعتلنا صور خلال 48 ساعة من الاستلام ونطبعه تاني ببلاش أو نرجّعلك تمنه. سياسة الاسترجاع
جاهز تصمم الهودي بتاعك؟ 🧥
افتح الاستوديو، حط تصميمك، وشوفه على الهودي في ثواني.