GREATESTستاند ميني
للحفلات الصغيرة وأعياد الميلاد والتجمعات.
- منيو تصميمات جاهزة
- توت وكابات ومقلمات
- فريق طباعة في المكان
Live Custom Printing Experience
طباعة لايف جوه الإيفنت بتاعك
بنجهّز ستاند طباعة في المكان. الضيف يختار القطعة، يختار التصميم، ويتفرج عليها وهي بتتطبع قدامه، ويروّح بهدية معمولة مخصوص ليه. مش هدية تقليدية… تجربة الناس بتصوّرها وتتكلم عنها.
✓ القطعة جاهزة في 1–3 دقايق✓ تيشيرت · كاب · توت · مقلمة✓ تصميمات خاصة بإيفنتك✓ لوجو البراند على كل قطعة
مناسب لإيه؟
أي مكان فيه ناس عايزة تفتكر اليوم ده.
🏢الشركات وإطلاق المنتجات
أيام الموظفين، المؤتمرات وأكتيفيشن البراندات. هدية بلوجو البراند والضيف بيختار شكلها.
💍الأفراح والخطوبات والحنة
توت «Bride Squad»، كابات بأسامي العرسان، وتذكار للضيوف بدل الهدايا المكررة.
🎓الجامعات والمدارس
التخرج، الأسر الطلابية، يوم التوظيف وحفلات آخر السنة.
🛍️البازارات والمولات والساحل
ستاند بيع مباشر: الناس تختار وتدفع وتستلم في نفس اللحظة. باكت هات وكابات وتوت للصيف.
🎂أعياد الميلاد والجندر ريفيل
تيشيرتات أطفال ومقلمات وكابات للعيلة. الأطفال بيحبوا يتفرجوا على الطباعة.
🏃الرياضة والمهرجانات
ماراثونات، بطولات، حفلات ومهرجانات. ذكرى اليوم على كاب أو تيشيرت.
بيمشي إزاي؟
4 خطوات والقطعة في إيد الضيف.
اختار القطعة
تيشيرت، كاب، توت باج أو مقلمة. الألوان والمقاسات متجهزة على الستاند.
اختار التصميم
من منيو تصميمات جاهزة، أو تصميمات اتعملت مخصوص لإيفنتك بلوجو البراند.
طباعة لايف قدامه
بنطبع القطعة بالمكبس الحراري قدام الضيف. أحلى لحظة للتصوير.
استلم وروّح بيها
القطعة جاهزة في 1–3 دقايق، والضيف ماشي بهدية معمولة ليه هو.
من غير طابور: الضيف بيطلب من موبايله
GOATS Live: نظام طلبات بالـQR معمول مخصوص لإيفنتك. الضيف مش لازم يقف في طابور، والستاند شغّال بنظام.
📱امسح الـQR واطلب
الضيف بيختار القطعة واللون والمقاس والتصميم ويشوفها قدامه قبل ما يطلب، وياخد رقم دور.
🔔الموبايل بيبلّغه لما تجهز
بيتابع دوره لايف وهو قاعد مكانه، والموبايل بيهزّ أول ما قطعته تجهز.
📺شاشة دور في الستاند
أرقام اللي جاهز يستلم على شاشة كبيرة، والـQR عليها عشان اللي واقف يطلب على طول.
📊ملخص لصاحب الإيفنت
عدد القطع اتطبعت بأنهي منتج ولون ومقاس، وتقدروا تحددوا عدد القطع لكل ضيف.
اختار شكل الستاند
كل إيفنت ليه حجمه. السعر بيتحدد حسب عدد الضيوف والقطع والمدة، وبنبعتلك عرض سعر خلال يوم.
ستاند إيفنت
للأفراح والجامعات والبازارات والمهرجانات.
- كل المنتجات: تيشيرت، كاب، توت، مقلمة
- تصميمات جاهزة + تصميمات خاصة بإيفنتك
- طلبات بالـQR وشاشة دور (GOATS Live)
- فريق كامل لطوابير الضيوف
أكتيفيشن براند
للشركات وإطلاق المنتجات والمؤتمرات.
- لوجو البراند على كل قطعة
- تصميمات مخصوصة بالكامل للبراند
- GOATS Live باسم البراند + ملخص بعدد القطع
- ألوان ومقاسات خاصة حسب الطلب
بنطبع على إيه؟
منتجاتنا الجاهزة، أو منتج مخصوص لإيفنتك. الألوان المتاحة حسب المخزون وقت الطلب.
تيشيرتات
أوفرسايز، ريجولر، وأطفال. كلها قطن 100٪، مريحة وبتمسك الطباعة كويس.
كابات
باكت هات، كاب قطن كلاسيك، كاب شبك للفعاليات، وكاب مغسول بتشطيب مميز. بألوان كتير.
توت باج
المقاس 40×35 سم، الأساسي بيج كانفاس، وينفع ألوان ومقاسات تانية حسب الطلب، وكمان لون الإيد بلون التصميم.
مقلمات
المقاس 22×12 سم، بيج كانفاس أو ألوان. هدية حلوة للأطفال وللمدارس والمؤتمرات.
من شغلنا
قطع حقيقية طبعناها لعملاء حقيقيين.
احجز الستاند
املا التفاصيل اللي تعرفها، وهنكلمك على واتساب نأكد المتاح والسعر.
أسئلة بتتسأل كتير
الطباعة بتاخد قد إيه؟
القطعة بتتطبع قدام الضيف وبيستلمها في حوالي دقيقة لـ 3 دقايق.
بتطبعوا على إيه في الإيفنت؟
تيشيرتات أوفرسايز وريجولر وأطفال قطن 100٪، كابات (باكت هات، قطن، شبك، مغسول)، توت باج 40×35 سم، ومقلمات 22×12 سم.
ينفع تصميمات خاصة بالإيفنت أو لوجو شركتنا؟
أيوه. بنجهز تصميمات مخصوص لإيفنتك أو بلوجو البراند، جنب منيو التصميمات الجاهزة.
ينفع ألوان أو مقاسات مخصوصة؟
التوت باج والمقلمة لونهم الأساسي بيج، وينفع ألوان تانية ومقاسات حسب الطلب، وكمان لون إيد الشنطة بلون التصميم. الألوان حسب المخزون وقت الطلب.
لو الضيوف كتير، هيقفوا في طابور؟
لأ. كل ضيف بيمسح الـQR ويطلب من موبايله وياخد رقم دور، وبيتابع دوره لايف لحد ما الموبايل يبلّغه إن قطعته جاهزة. وفيه شاشة دور في الستاند.
محتاجين نجهّز إيه في المكان؟
مساحة للستاند ومصدر كهربا قريب. بنتفق على التفاصيل حسب المكان وعدد الضيوف.
بتروحوا أي محافظة؟
أيوه، وبنضيف تكلفة الانتقال حسب المكان. ابعتلنا التاريخ والمكان ونأكدلك.
خلّي ضيوفك يروّحوا بحاجة معمولة ليهم 🎁
احجز تاريخك بدري، أو كلّمنا على واتساب ونظبطلك الستاند المناسب.